جميع المشاكل التى تواجهنا فى لعبة جتا سان اندريس وحلها + المستلزمات
بسم الله الرحمن الرحيم
ناس كتير بتشتكى من مشاكل فى لعبة جتا سان اندريس
اللى يقول اللعبة تقيلة واللى يقول المبانى بتختفى واللى يقول اللعبة تخرج وهى بتبدا
وغيره وغيره
المهـــــــــــــــم قررت اعمل لكو موضوع شامل عن كل المشاكل وكيفية حلها
والشرح ده حصرررررى لموقع جتا المدهش ومقدم من محمد المدهش
ندخل فى الموضوع على طول بقا
==========================================================
مشكلة #1
خروج اللعبة عند البداية (الخط بيجى فى النص واللعبة تخرج)
الحــــــــــــــل
اللعبة بتكون ناقصة ملفات او انت مركب مود بايظ
الاول يعنى ايه مود بايظ . بيكون مود فيه غلطة برمجية
وبالتالى بيكون عطلان وبيسبب خلل فى اللعبة ويعمل خروج عند البداية
يعنى ايه ناقصة ملفات يعنى مثلا انت محمل لعبة جتا مقسمة على اكتر من جزء
لو انت محمل الاجزاء كلها تمام واسمهم مظبوط هيفك معاك الضغط بدون اى مشاكل
انما لو انت محملهم وفيه اسم ملف فيهم متغير او ملف فيهم تحميله مكتملش بنسبة 100%
هيجيبلك رسالة error عند فك الضغط
ولازم تحط كل الاجزاء اللى حملتها فى فولدر واحد وتحددهم وتفكهم اهم شئ ميكونوش متفرقين عن بعض
والاحسن تحمل من برنامج دون لود مانجر مش من المتصفح
موقع التحميل الرسمي لبرنامج idm
قبل ماندخل على المشكلة 2 عاوز بس اوضح نقطة بسيطة جدا هى بسيطة بس ممكن تعمل معاك مشكلة
مثلا انت محمل اللعبة مقسمة على 3 اجزاء واسمهم كالتالى
gtasa.par01
gtasa.part02
gtasa.part03
لو مثلا انت حملت ملف واحد مرتين فى نفس المكان هتلاقيه اسمه gtasa.part01_2
مامعنى كلمة _2 دى طبعا عشان انت حملت الملف مرتين فا كتبلك _2 يعنى ده الملف رقم 2 بنفس اسم الملف الاول
فا اتاكد لان دى مشكلة من احدى المشاكل ايضا
====================================
مشكلة #2
(خروج اللعبة اثناء اللعب)
الحـــــــــــــــــــــــــل
المشكلة دى ليها اكتر من حل واكتر من سبب
1 - بتكون انت حاطط فى اللعبة عربيات تقيلة جدا او اضافات ومودات كتير جدا جدا
والافضل ان العربية اللى تركبها متزيدش حجمها عن 3 او 4 ميجا
فا دى بتسبب المشاكل الاتية
1- خروج اللعبة المفاجئ
2- اختفاء المبانى
3- تقل اللعبة
خلينا نبدأ الاول بسبب خروج اللعبة المفاجئ
لو انت مركب فولدر cleo3 ومركب فيه مودات حديثة فى اغلب الاوقات المودات الحديثة
بتختلف مع هذا الفولدر وبتسبب خلل وتخرج من اللعبة فا الافضل انك تثبت فولدر cleo4 الحديث
قبل ماندخل على المشكلة 2 عاوز بس اوضح نقطة بسيطة جدا هى بسيطة بس ممكن تعمل معاك مشكلة
مثلا انت محمل اللعبة مقسمة على 3 اجزاء واسمهم كالتالى
gtasa.par01
gtasa.part02
gtasa.part03
لو مثلا انت حملت ملف واحد مرتين فى نفس المكان هتلاقيه اسمه gtasa.part01_2
مامعنى كلمة _2 دى طبعا عشان انت حملت الملف مرتين فا كتبلك _2 يعنى ده الملف رقم 2 بنفس اسم الملف الاول
فا اتاكد لان دى مشكلة من احدى المشاكل ايضا
====================================
مشكلة #2
(خروج اللعبة اثناء اللعب)
الحـــــــــــــــــــــــــل
المشكلة دى ليها اكتر من حل واكتر من سبب
1 - بتكون انت حاطط فى اللعبة عربيات تقيلة جدا او اضافات ومودات كتير جدا جدا
والافضل ان العربية اللى تركبها متزيدش حجمها عن 3 او 4 ميجا
فا دى بتسبب المشاكل الاتية
1- خروج اللعبة المفاجئ
2- اختفاء المبانى
3- تقل اللعبة
خلينا نبدأ الاول بسبب خروج اللعبة المفاجئ
لو انت مركب فولدر cleo3 ومركب فيه مودات حديثة فى اغلب الاوقات المودات الحديثة
بتختلف مع هذا الفولدر وبتسبب خلل وتخرج من اللعبة فا الافضل انك تثبت فولدر cleo4 الحديث
تانى سبب هو ان جهازك عليه فيروسات ودى برضو بتسبب خروج للعبة
والحل ايه ؟ الحل انك من الافضل تفرمط الهارد لكن فيه واحد هيقول طب الهارد عليه حجات مهمة
هقوله فيه حل تانى وهو انك تفحصه من الفيروسات - طب شكرا هروح افحصه واجرب
اروح انا شاده من قفاه واقوله خد هنا الفحص له طريقة معينة هيقولى ايه هيا
بص ياسيدى
انت هتحمل برنامج avg
وتحطه على فلاشة خالية تماما من الفيروسات
وتنزل ويندوز جديد واول ماتنزل الويندوز متفتحش ولا اى ملف ولا اى برتيشن ولا اى بتنجان
اول ماتنزل الويندوز حط الفلاشة فى الجهاز وسطب برنامج الافيرا وافحص الجهاز وبعد الفحص
نزل ويندوز جديد هيطلع واحد ويقول طب ليه اول مانزل الويندوز مدوسش على اى ملف
هقوله لانك مجرد ماتدوس على ملف وجهازك متفيرس الفيروس بينتشر فى الويندوز اللى انت منزله جديد
تالت سبب
لو انت مركب مودات كتير وفيهم بس مود فيه غلطة برمجية زى ماقولنا فوق ممكن برضو يسبب خروج من اللعبة
واحد هيقولى طب انا مركب يجى 50 مود ازاى اعرف المود العطلان ده هقوله !!
انت هتشيل سطر سطر من المودات اللى جوة فولدر cleo والسطر اللى تشيله ومشكلة الخروج تتحل
يبقى المشكلة فى السطر ده هتفضل تركب مود مود من السطر اللى فيه المشكلة والمود اللى تركبه وتلاقى المشكلة جت
يبقى هو المود ده اللى بايظ
===============================================
مشكلة #3
عدم فتح اللعبة عند الضغط على ايقونة التشغيل
الحــــــــــــــــل
اول سبب
انك مركب جرافيك تقيل على الجهاز وجهازك مش قادر يقاوم الجرافيك ومش قادر يشغله
الحل انك تمسح ملف d3d9.dll وللعلم اقل جرافيك للعبة يحتاج كارت شاشة 1 جيجا وانت طالع
لتحميل الجرافيك
لتحميل الجرافيك
تانى سبب
هو ان اللعبة ناقصة ملفات (تابع #مشكلة1 فى الاعلى لمعرفة الحل )
============================================
مشكلة #4
عند تشغيل اللعبة تظهر رسالة
the program can't start because d3dx9_40.dll is missing from your computer
والسبب ان جهازك لا يحتوى على برنامج الديركت 11
=========================================
مشكلة #5
اللعبة تخرج عند احدى المهمات فى اللعبة او عند مهمة معينة
الحــــــــــــــل
انك مركب مود فى فولدر data والمود ملفاته فيها خلل زى ماقولنا فوق وبتسبب خروج فى منطقة معينة
والحل انك تحمل فولدر data الاصلى من الموقع الرسمي من هنا وتركبه بدل القديم
ونصيحة متركبش مودات ملفاته بتتحط فى فولدر data
===========================================
مشكلة #6
ظهور رسالة ogg.dll عند تشغيل اللعبة
وهذا ان يوجد نقص فى ملفات dll الخاصة باللعبة
والحل انك تحمل الملفات دى وتحطها فى فولدر اللعبة
=====================================
مشكلة #7
هو انك تكون ماشى على الطريق وتلاقى نفسك بتطير فى عالم وهمى
ولازم تقفل اللعبة وتفتحها تانى عشان تخلص من المشكلة
غالبا المشكلة دى بتكون من ملف save game
والحل انك تدخل my decoment وتمسح فولدر GTA San Andreas User Files
=======================================
السلام عليكم والي اللقاء في شرح قادم اخوكم
مودي الناظر